de-plattsnackers.de Logo!
Fotos
Trennlinie
Symbol Startseite
Trennlinie
Symbol Was ist Neu?
Trennlinie
Symbol Plattdeutsche Geschichten
Trennlinie
Symbol Plattdeutsche Gedichte
Trennlinie
Symbol Advent bis Silvester
Trennlinie
Symbol Wintergeschichten
Trennlinie
Symbol Frühlingserwachen
Trennlinie
Symbol Sommerfreuden
Trennlinie
Symbol Herbsterlebnisse
Trennlinie
Symbol Heimische Vogelwelt
Trennlinie
Symbol Historische Bilder
Trennlinie
Symbol Termine
Trennlinie
Symbol Autorenliste
Trennlinie
Symbol Wortliste
Trennlinie
Symbol Kontakt
Trennlinie
Symbol Persönliches
Trennlinie
Symbol Links
Trennlinie
Symbol Impressum
Trennlinie
Symbol Datenschutz
Trennlinie


17303138 Besucher seit Einrichtung am 15. Oktober 2007



Uns Teckeldaam in „Karwendelwahn“      

Grote Vörfreid op ’n poor Urlaubsdaag in „Mittenwald“, dĂĽsse schööne Billerbookstadt samt dat bannige „Karwendel-Massiv“. Wi harrn uns beten wat an Geller tosammen  spoort un fohrn nu vull Vörfreid un Neeschier mit uns klapprigen VW-Käfer dorhen. -  Op de TrĂĽchbank drusel uns swatte Hunnendaam „Topsi“ in ’t „Körbchen“, de mit ehr ’n „Teckelblick“ tomeerst över uns Familienleven bestimm. 

De grauen „Karwendel-Felsen“ warken bedrohlich op uns un dögen bestimmt ni nich sĂĽnnerlich to ’n ropkladdern för so ’n noordĂĽĂĽtsche „Flachland-Tirolers“ as uns.  Mit ’n echten Gamsboort an ’n Hoot un typische TrachtenbĂĽx geev een Mannsminsch   uns  denn Raatslaag, dat man de Höögde vun 2200 Meter mit de „Karwendelbahn“ in  poor Minuten överwinnen kunn. 

Seilbahn fohren un mien Mieke? - Ni nich in ’t Leven! - LĂĽttje beten Schuckelie un  glieks weer ’t vörbi: - „Du, dat gifft interessante Saken in Mittenwald“, smuuster se trööstlich. „To ’n Bispill, - över ’t Geigenbu-Museum dor heff ick mi kĂĽnnig maakt, wo vun denn berĂĽhmten Mittenwalder Violinmoker Matthias Klotz oolte Fideln utstellt  sĂĽnd. - Daag mit Volksdäns un Blasmusik schall dfat ok geven, stĂĽnn dor in ’n denn Huusprospekt un ok een „Jodel-Diplom“ kannst Du villicht as Muskant maken?“…

„Nu laat uns man eerst maal beten de Been verpedden“, sääh ick, swoor beindruckt vun dat anmödige Panorama överall. - „Laat uns de bunten Wischen geneten, villicht  ok maal na ’t Ufer vun de „Isar“ wannern un dor schöön sinnig in ’t Gras sitten, de Fööt  in ’t Water! - Tohuus all hest Du mi vörswärmt, dat Du bannig andoon bĂĽst vun all de smucken Blomenkassens un de Malerie vun berĂĽhmte KĂĽnstlers an de Giebels vun  de HĂĽĂĽs hier!“……

Uns Deckeldaam „Topsi“ jieper duurhaftig un klei an uns Stuvendöör ’rĂĽm. - „Komm,  se mutt bestimmt maal rut!“ meen Mieke. - Un so spazeern wi, denn Hund an de Lien, in de Mittenwalder Natuur Richtung „Isarfloor“. — „Leven, wat wullt du mehr?“ —

De warmen SĂĽnnstrahlen vun wolkenlose Heven, - de Immen summen överall rĂĽm,  wobi uns pikkenswatte „Topsi“ jedeen Grashalm un all de BĂĽĂĽsch besnĂĽffel un ehre Duftmarken achterlööt. So kömen wi mit veel GedĂĽĂĽr an de witte „IsarbrĂĽĂĽch“ an.-  Wi drögen bloots korte BĂĽxen, T-Shirts un dĂĽnne Turnschooh, - wullen ja ok balden  weller torĂĽĂĽch!  - Nich so uns „Topsi“, - de wild un mit lute Bellerie ahn Enn baven op  de BrĂĽĂĽchplanken an de Hunnenlien tröck. - „Topsi, aus!“ schimp ick luuthals. - Keen Reaktschoon! - „Topsi“ aus, - Sluuß…(Teckelstarrsinn?) - - Mieke meen: „Nehm ehr  hier in de Natuur doch eenfach maal de Lien af, hier stört se doch nĂĽms!“ - 

Ne, stört harr sik „Topsi“ in ’t Wischengras an so ’n langohrigen „MĂĽmmelmann“, denn  se entdeck harr un wull nu instinktiv ehr Jagdfever utleven. - Ick hör mi noch schrien: „Topsi“, Platz, - komm her „Topsi, - komm fuurts torĂĽĂĽch!“ - Avers, - gottsleider to laat!   Se birs as ’n wild wurrn Ossen achter ’n Hasen ran, luut an bellen un jechter hechelnd dörch dat hooche Gras un nipp un nau in Richtung „Karwendel“-Anstieg. - De Haas  harr sik all langen in Sekerheit brööcht. 

Wi nu avers vull gröötste Bang achterran un ick luut an bölken: „Tooooopsi, kĂĽmmst 

Du fuurts hierher!“…(Weer dat villicht de bekannte „Egensinn“ vun de TeckelraaĂź?) — 

De Isarwischen ennen middewiel un gĂĽngen in de eersten flachen Karwendel-Utlöpers  mit Steenschutt, Dannbööm un Latschen-Kiefern över. „Topsi“ snĂĽffel, all wiet vörut in  de Hööchde, dreih sik af un an ĂĽm, as wull se uns verkloorn: „Nu man wieter, wo blievt  ji denn bloots?“ - 

Mieke bleev, all beten maddelig, een ganze Streck trĂĽĂĽch. Poor vun de Bargstiegers  mit SeiltĂĽĂĽch ĂĽm de Schullern un derbes Schoohwark queren in ’t Geröll unsen Opstieg.  Iesige KĂĽll nöhm op’nmaal ahn Barmen to, wieldat hier un dor noch oolte Firn (Snee) vun  letzte Johr in geschĂĽtzte Bargregionen leeg. Un denn, ut de Lameng, kömen noch dicke Nevelswadens op. 

Vun Topsi weer all langen nich mehr to sehn un de korten BĂĽxen un T-Shirts rächen sik nu. - Mieke fĂĽng vertwiefelt an to blarrn: „Hoffentlich geiht uns de Hund nich verloren un  wi find em noch weller?!“……… 

Ni nich ward wi dĂĽssen „Karwendeltöörn“ un uns Malesche un Bang weller vergeten. -  Na langen Opstieg un grote Sorg ĂĽm “Topsi“ kömen wi dörchfroren op denn hööchsten

Punkt an, wo denn op denn First vun ’t „Karwendelhuus“ uns mit lutes schrakeln swatte Raven begröten - Veele Bargstiegers nutzen dor ’n korte Rast, avers middenmang de veelen LĂĽĂĽd duck sik mit dat slechtst Geweten in Teckelblick uns „Topsi“. Vull Freid över uns Weddersehn winselnd un jieper se bloots, kunn sik gor nich weller inkriegen un achterlööt ok noch ’n lĂĽttje PinkelpfĂĽtz….  

Vertellen will ick noch: - Op de TraaĂź buten överall wunnerboor Duft vun BradkantĂĽffeln  mit Speck as vun ’n annern Steern, un de wi woll ni nich op de Tung kregen harrn, weer „Topsi“ in ’t „Isartal“ nich vun de Lien laten wurrn. Harr se villicht mit ehr fiene Spöörnees dĂĽssen BratkantĂĽffeldroom“ ĂĽnnern an de „Isar“ all snuppert!?……

Ni nich weller in ’t Leven harrn wi jedenfalls so ’n slimmen Muskelkater un ok ni nich in  de „Karwendel-Hööchde“ dĂĽsse knusprigsten BradkantĂĽĂĽffeln konsumeert. - 

Un noch wat: Uns kommodige „Platt“ miteenanner hebben de Bargstiegers dor woll för ’n Fröömspraak halen.

Addi Kahl
03.02.2022


© 2022 Addi Kahl Veröffentlicht: 03.02.2022 um 16:51:24 Uhr
Dieser Text wurde 2656 mal gelesen.

Diese Seite: Weiterempfehlen - Drucken


Footer

Diese Homepage wurde realisiert durch die Event- und neue Medien GbR. (Admin)