de-plattsnackers.de Logo!
Fotos
Trennlinie
Symbol Startseite
Trennlinie
Symbol Was ist Neu?
Trennlinie
Symbol Plattdeutsche Geschichten
Trennlinie
Symbol Plattdeutsche Gedichte
Trennlinie
Symbol Advent bis Silvester
Trennlinie
Symbol Wintergeschichten
Trennlinie
Symbol Frühlingserwachen
Trennlinie
Symbol Sommerfreuden
Trennlinie
Symbol Herbsterlebnisse
Trennlinie
Symbol Heimische Vogelwelt
Trennlinie
Symbol Historische Bilder
Trennlinie
Symbol Termine
Trennlinie
Symbol Autorenliste
Trennlinie
Symbol Wortliste
Trennlinie
Symbol Kontakt
Trennlinie
Symbol Persönliches
Trennlinie
Symbol Links
Trennlinie
Symbol Impressum
Trennlinie
Symbol Datenschutz
Trennlinie


16491561 Besucher seit Einrichtung am 15. Oktober 2007




Lanteern, Lanteern       

 

Mit Katuun feegt de Harvstwind nu all de Bleder vun Büüsch un Bööm

un överall fallt bruune Kastangeln un platzt ünnen op de Ierd ut’neen.

De Tieden sünd lang’n vergahn vun all de warmen Sommerdrööm

un man kann rootes Wienloof överall smuck an Karken un Döörpshüs sehn.

För uns lüttje Knevels weer dat nu opletzt maal weller in Kinnertiet so wiet

un wi süngen luuthals „Sonne, Mond und Sterne“ mit in harvstliche Schummertiet.

Wi drögen dorbi an lange Stöcker stolt un vörsichtig uns bontjebunte Lanteern.

Ik sülven jümmers mienen geele Papeer-Maand, de över’s Johr leeg op ’n Böön.

Un fĂĽng dat vull Lengen an to schummern un dusend Stierns lĂĽĂĽchen an Heven

spöör ik Bangbüx in de Düüsternis so ’n gruseln, wull avers „Lanteern-lopen“ beleven.

An Moders Hannen föhl ik mi ja ok seker, düsse Tieden blievt mi unvergeten schöön

un weet noch, op’n Karkenanger harr ik Bangbüx bestimmt groliche Spökels sehn.

Ă–verall in de Schummertiet flackern de bontjebunten Lateernlichter nu buten

un bröchen grööste Glückseligkeit in all de velen lütten Kinnersnuten.

Ok all de Ă–llern sĂĽngen luuthals mit, wat ut Jungendtieden an Leedgoot bekannt

un man hör in denn Chor: „Das mir ja nicht meine Laterne verbrennt!“

Op’nmaal reet mi een Windbö mienen Papeermaand ut mien Hännen

un uns „Lanteern-lopen“ güng mit een Riesenverfeernis to Ennen,

denn mien oolte Maand harr FĂĽĂĽr fungen, pĂĽster de Straat lang in Knick,

doch Moder still fuurtz miene Tranen un säh: „Wi bastelt ’n nieget Lanteernglück.

Vundaag gifft dat kuum noch düsse Gefohr’n dank lüütje elektrische Beeren,

dor kann de Wind pĂĽstern, as he will, Lanteern verbrennt so fix nich mehr.

Autor: www.addi-kahl.de


© 2022 Addi Kahl Veröffentlicht: 13.10.2022 um 15:19:15 Uhr
Dieser Text wurde 667 mal gelesen.

Diese Seite: Weiterempfehlen - Drucken


Footer

Diese Homepage wurde realisiert durch die Event- und neue Medien GbR. (Admin)