Reizgas tegen een Nahber 

Wegen ganz gefahrelk Körperverletzung wordt neelich een 60-jährig Huusfroo
to een Geldstraaf van 900 EURO verdönnert. De Froo liggt al siet Jahren mit
hör Nahber in Stried. Doch letzt Jahr in Juni harr se doch wedder so`n Wut up
de Nahber, dat se dat eenfach nich mehr uthollen kunn. 

Se sücht de Kerl, fein antrucken mit Anzug un Slips, ut sien Huusdör treden. In

de Hannen hollt he een groden Blömenstruuß för siene Fründin, de hör Geburts-

dag fieren will. De vergrellte Froo schnappt sück een Döös mit Reizgas un rönnt

up den verdatterten Mann los. De wuss nich, wat hüm passeren dee, un weer eerst

Maal total van Padd of. De Geburtsdagsfier kunn he ofseggen. Daarför gung he

stracks na sien Dokter hen un ok noch na`t Polizei.
 

As dat denn to de Gerichtsverhandlung keem, see de Mann to de Richter, dat de

Meut mit sien Nahberske egaalto an Gang weer. Se weern ok al paarmal bi de

Middelsmann  ween, aver bit nu ohn dat sück wat ännert hett. 
 

De Nahberske aver, de to dissen Termin vör`t Gericht nich komen weer, muss

ditmal as Straaf 900 EURO berappen. Of dat nu tokomen Tied beter mit de bei-

den Striedhahns wordt, is oftoluren. Villicht is de Greep in de Geldbüdel doch

een lüttje Warnschöt.

  

In`t Plattdütsk översett van

Hanna Luks

29.02.2008