de-plattsnackers.de Logo!
Fotos
Trennlinie
Symbol Startseite
Trennlinie
Symbol Was ist Neu?
Trennlinie
Symbol Plattdeutsche Geschichten
Trennlinie
Symbol Plattdeutsche Gedichte
Trennlinie
Symbol Advent bis Silvester
Trennlinie
Symbol Wintergeschichten
Trennlinie
Symbol Frühlingserwachen
Trennlinie
Symbol Sommerfreuden
Trennlinie
Symbol Herbsterlebnisse
Trennlinie
Symbol Heimische Vogelwelt
Trennlinie
Symbol Historische Bilder
Trennlinie
Symbol Termine
Trennlinie
Symbol Autorenliste
Trennlinie
Symbol Wortliste
Trennlinie
Symbol Kontakt
Trennlinie
Symbol Persönliches
Trennlinie
Symbol Links
Trennlinie
Symbol Impressum
Trennlinie
Symbol Datenschutz
Trennlinie


6055971 Besucher seit Einrichtung am 15. Oktober 2007


 

 

Bildquelle:

www.bilderkiste.de

Hest du de Oosterhaas al sehn? 

De Jungs un Deerns sünd mächtig blied,

kien School un Stress mit de Mester.

Se freut sück up de moie freei Tied,

kien Büffeln as in`t letzt Semester.

 

Siet Weken leggt de Höhner flietig

de Eier in overmatigen Akkoord.

De groote Masse is woll nödig,

de Oosterhaas nimmt se bi`d Woort.

 

De meest Arbeid för de Höhner is vörbi,

jetzt kummst du, du Oosterhaas!

Farv bloot de Eier un nich di

un ok veel Glück un noch mehr Spaß!

 

De Oosterhaas un sien Verwandtskupp

gaht mit Moot un Kraft an`t Wark.

Dag un Nacht kiekt se nich up,

se malert engaal weg mit Farv.

 

Na`t Drögen kummt de Stapelee

in de Körv un de Rucksacken.

Un denn geiht dat los de Plackeree,

över`t Land un Feld un Matten.

 

De Oosterhaas bruukt kien Rad,

he löppt mit sien Fööt de ganze Tied.

Gifft doch bloot Schlööt un kien Padd,

un nu man flink, dat is noch wied.

 

To rechter Tied an`t Oosterdag

liggt de Eier in dat week un gröne Nüst.

He rönnt torügg un liggt nu flach

un drömt van Leev un veele Lüst.

 

De Oosterhaas geiht in sien Ruhstand,

sien Jung maakt nächst Jahr disse Tour.

He gifft hüm de Erfahrung un Verstand

un geiht nu eerstmaal in sien Kur.

 

Unner de Tied freut sück de Kinner

över Oostereier un so bunt.

Well de mesten find` is denn de Winner,

de Freud is för se ok gesund.

 

Man mennigeen hett toveel freten,

de Buuk de grummelt düchtig.

Nu helpt bloot noch nix mehr eten,

Bewegung maakt ok elkeen süchtig.

 

Lever Oosterhaas, wi grööt van Harten,

kumm doch wedder in`t nächst Jahr.

Bring uns bunt Eier bloot kien schwarten,

wi freut uns up di dat is doch klaar!

 

Rudi Rabe

 

21.03.2008

 

© 2008 Rudi Rabe Veröffentlicht: 05.12.2008 um 13:18:16 Uhr
Dieser Text wurde 10016 mal gelesen.

Diese Seite: Weiterempfehlen - Drucken


Footer

Diese Homepage wurde realisiert durch die Event- und neue Medien GbR. (Admin)