de-plattsnackers.de Logo!
Fotos
Trennlinie
Symbol Startseite
Trennlinie
Symbol Was ist Neu?
Trennlinie
Symbol Plattdeutsche Geschichten
Trennlinie
Symbol Plattdeutsche Gedichte
Trennlinie
Symbol Advent bis Silvester
Trennlinie
Symbol Wintergeschichten
Trennlinie
Symbol Frühlingserwachen
Trennlinie
Symbol Sommerfreuden
Trennlinie
Symbol Herbsterlebnisse
Trennlinie
Symbol Heimische Vogelwelt
Trennlinie
Symbol Historische Bilder
Trennlinie
Symbol Termine
Trennlinie
Symbol Autorenliste
Trennlinie
Symbol Wortliste
Trennlinie
Symbol Kontakt
Trennlinie
Symbol Persönliches
Trennlinie
Symbol Links
Trennlinie
Symbol Impressum
Trennlinie
Symbol Datenschutz
Trennlinie


6047474 Besucher seit Einrichtung am 15. Oktober 2007


Snackeree, mörgens

 

„Johannes, upstahn, de Koffje is fertig!“

„Dat is noch so froh.“

„Ja, Johannes, de Koffje is liekers fertig, nu kumm man un butendeem: dat regent!“

„Dat glöv ik nich, Katharina, ik kann heel un dall nix seh’n.“

„Du maakst ja ok man jüst de Ogen apen, dat regent würrelk.“

„Kann nich angahn! Güstern hebbt se in’t Fernsehen un ok in’t Radio wat anners seggt!“

„Nu kumm man, de Koffje is klaar. Un dat regent doch!“

Dat dürt, dat dürt, na Johannes is heel kin Wachten na.

Nu uplesd, Katharina sitt all parat to’n Fröhstück an't Disk.

„Na, hest Du nu seh’n, dat dat würrelk regent?“

Johannes an Katharina vörbi up sin Platz in’t Köken. Moors an’t Stohl, gliek wedder hoog, sin Tablett an dissen Mörgen fehlt noch.

„Süttst Du nu, dat dat regent?“

„Nee, laat mi tofree, an disse Sied nich!“

„Dat gifft dat ja woll nich, kiek genau hen, dat regent luterliekut!“

„Wat kookst Du vandag, Katharina? Nich sovöl, gliek bün ik nett so satt.“

„Jetzt bün ik ok gliek pappsatt! Aber, Du kummst van’t Thema of, dat regent, Johannes!“

„Ik mag woll wat ohn Flesk. Du kannst ja Potteten koken. Potteten hebb ik seggt, Gemüse un Kartuffels, ohn Flesk, kin Sopp! Un kook nich sovöl  wi kriegt dat nich up.“

„Ja, immer vör elk dree Kartuffels – dat sünd seß Kartuffels för uns beiden – nich mehr. Wu weer dat denn mit Mattjes un Pellkartuffels?“

„Oh, hmm, lecker, dat maakt wi.“

Sowied weer’n de beiden nu. Dat harr’n se klaar!

„Johannes, dat regent, wull Du bi all dit Weer in’t Stadt un Mattjes   kopen?“

„Ja, ja!“   Katharina leggt seß Kartuffels in't Etenspott. Dat sünd genog!

Eets weer'n dat mehr Karuffels – nu legen teihn in’t Pott.

„Kriegt wi Visit, Johannes? Well sall dat eten?“

„Anners ward wi doch nich satt! Aber vanavend, Katharina, bloß een Stück Brood, hörst Du?“

„Ja, Johannes ik holl mi daaran, Du ok?“

Immer eengaalweg van Eten snacken!

„Johannes, nimmst Du dat Fahrrad? Dat regent doch!“

„Wat hett dat denn mit uns Pellkartuffels to doon?“

„Nix, Johannes, ik wull Di bloß vertelln, dat dat immer noch regent! Bi all Seggheer, ik hebb Recht, dat regent richtig!“

 

Karin Steiner

11.11.2008


© 2008 Karin Steiner Veröffentlicht: 05.12.2008 um 13:18:16 Uhr
Dieser Text wurde 7752 mal gelesen.

Diese Seite: Weiterempfehlen - Drucken


Footer

Diese Homepage wurde realisiert durch die Event- und neue Medien GbR. (Admin)