de-plattsnackers.de Logo!
Fotos
Trennlinie
Symbol Startseite
Trennlinie
Symbol Was ist Neu?
Trennlinie
Symbol Plattdeutsche Geschichten
Trennlinie
Symbol Plattdeutsche Gedichte
Trennlinie
Symbol Advent bis Silvester
Trennlinie
Symbol Wintergeschichten
Trennlinie
Symbol Frühlingserwachen
Trennlinie
Symbol Sommerfreuden
Trennlinie
Symbol Herbsterlebnisse
Trennlinie
Symbol Heimische Vogelwelt
Trennlinie
Symbol Historische Bilder
Trennlinie
Symbol Termine
Trennlinie
Symbol Autorenliste
Trennlinie
Symbol Wortliste
Trennlinie
Symbol Kontakt
Trennlinie
Symbol Persönliches
Trennlinie
Symbol Links
Trennlinie
Symbol Impressum
Trennlinie
Symbol Datenschutz
Trennlinie


6046806 Besucher seit Einrichtung am 15. Oktober 2007


 

De lüttje Wiehnachtsboom

 

Letzt Jahr hebb ik to Wiehnachten kien Boom köfft, ik harr noch so een lüttjen, unechten Boom. As uns Kinner mit uns lüttje Franzi kemen, segg ik to de Lüttjen:  „Oma hett an Hielig Abend groot Arger mit de Wiehnachtsmann hatt!“ Ik vertell hör nu, dat de Wiehnachtsmann to mi seggt harr:  „Dat Kind, de Franzi wohnt ja heel nich bi di. Ik hebb all de groten Geschenke  to hör na Huus brocht.“ Ik segg: “Leve, leve Wiehnachtsmann, uns Franzi kummt doch, wat sall ik doon? Wenn se nu hier kiene Geschenke finden doot?“

 

„Tja“, seggt de Wiehnachtsmann, "du hest ja för dat christliche Fest kien rechtsschapen Boom.“ „Moment maal, ik hebb een Boom in`d  Kinnerzimmer stahn, extra torecht maakt för Franzi`s  Puppen…“ „Dat moot ik eerst sehn,“ seggt de Wiehnachtsmann. Wi gungen de Trapp rup in dat Kinnerzimmer. Daar stunn de lüttje Boom un de Puppen seten andächtig drumrüm.  „Nu ja, Oma, dat stimmt,“ seggt de Wiehnachtsmann, „wiel du ok för de Puppenkinner wat doon hest,  will ik di ein paar lüttje Geschenke för dien Kinner un de lüttje Franzi hier laten.“

 

Uns Lüttje pack dat Geschenk ut un weer ok heel tofree. Denn seten wi kommodig binanner. De Geschicht wull aver woll uns Franzi nich ut Kopp gahn. Se seggt to mi: „Oma, anner Jahr muss du aver een groten Boom kopen.“ Ik fraag: “Waarum denn dat?“ Nu sprudelt dat rut: „Daarmit denn ok de Geschenke grötter sünd.“  Ja, se weten woll wu dat wesen moot. Nu hebbt wi bold wedder Wiehnachten un ik moot mien Verspreken inhollen, dat gifft wedder een Boom so as fröher.     

 

Marieluise Stolper

14.12.2008

 


© 2008 Marieluise Stolper Veröffentlicht: 14.12.2008 um 09:49:37 Uhr
Dieser Text wurde 17238 mal gelesen.

Diese Seite: Weiterempfehlen - Drucken


Footer

Diese Homepage wurde realisiert durch die Event- und neue Medien GbR. (Admin)