de-plattsnackers.de Logo!
Fotos
Trennlinie
Symbol Startseite
Trennlinie
Symbol Was ist Neu?
Trennlinie
Symbol Plattdeutsche Geschichten
Trennlinie
Symbol Plattdeutsche Gedichte
Trennlinie
Symbol Advent bis Silvester
Trennlinie
Symbol Wintergeschichten
Trennlinie
Symbol Frühlingserwachen
Trennlinie
Symbol Sommerfreuden
Trennlinie
Symbol Herbsterlebnisse
Trennlinie
Symbol Heimische Vogelwelt
Trennlinie
Symbol Historische Bilder
Trennlinie
Symbol Termine
Trennlinie
Symbol Autorenliste
Trennlinie
Symbol Wortliste
Trennlinie
Symbol Kontakt
Trennlinie
Symbol Persönliches
Trennlinie
Symbol Links
Trennlinie
Symbol Impressum
Trennlinie
Symbol Datenschutz
Trennlinie


6051210 Besucher seit Einrichtung am 15. Oktober 2007


 

 

So wat aber ok 

So`n fein lang Froolü-Haar kann all düchtig Verdreet bringen. So ok bi dat Middageten. Sütt jüst nich appetitlik ut, wenn jemand mit eenmaal bi Disk bi dat leckerst Eten mit Wiederkauen stoppt un sin Tung samt Middag-eten ganz langsaam tüsken sin Lippen dörschufft um na`n Haar to faten. Un noch eenmaal de Tung na buten un mit ganz spitz Fingers –so mit Duum un Wiesfinger- na dat Haar söcht. 

Is dat Haar in dat Middageten denn nu endlich funnen, denn kann man dat so ganz langsaam mit een ekelig Gelaat ut sin Mund luken. Nu kummt dat Spöl, dat Haar ward hochloken un tegen dat Lucht holln, daarmit man dat ok so fein seh`n kann. Denn is dat ok för mi ekelig. Is dat nu endlich an`t Daglucht, denn mit so`n komisch Geräusch gau na dat Klo um denn dit Haar mit acht Liter Water wegtospölen.

 

Acht Liter Water –dat mutt man sük mal so vörstellen! Wat`n Upmakeree. Is dat nich eenfacher, een Serviette to benutzen un denn in de Offalltünn daarmit? Aber nee, so nich, un denn achteran de Vers: „Ji könt mi een dooden Muus mit an min Teller leggen, hierbi kann ik getrost un smakelk wiedereten.“

Na denn man gooden Appetit, hierbi kunn mi de Appetit vergahn. So passeeer dat eenmaal bi een Kantineneten – is all lang her. 

 

Karin Steiner

23.11.2007


© 2007 Karin Steiner Veröffentlicht: 05.12.2008 um 13:18:16 Uhr
Dieser Text wurde 10330 mal gelesen.

Diese Seite: Weiterempfehlen - Drucken


Footer

Diese Homepage wurde realisiert durch die Event- und neue Medien GbR. (Admin)