Wiehnachtstied, Wunnertied

Wiehnachtstied, Wunnertied,

Keers in`t Fenster schient so wiet,

lett uns nich verbiestern,

bringt een Lucht ok in uns Hard,

dat dat warm un lecht weer ward,

wiest de Weg in Düstern.

Wiehnachtstied, Wunnertied.

Klocken klingt van wiet un siet

un een Steern lücht heller.

Minsch un Deerten gaht to Ruh.

Slap mien Kind, nu slap ok du,

Tied vergeiht denn feller.

Wiehnachtstied, Wunnertied.

Oll`n un Jungen sünd so blied.

Kinner hört man singen.

Se luurt up de Wiehnachtsmann.

Mit een Kutsch kummt he al an

un will ehr wat bringen.

Annegret Neunaber

29.11.2009