Dat neei Leven mit di – een Illusion

Geboren ut Wunskbillerschuum,

genährt ut Hopen un ut Droom

de Sepenblaas, groot un rund,

zart un seidig, schillert bunt,

utlehnt de Farvenpracht van`t Regenboog,

Schienbiller weevt in`t Dook.

Se dwirrelt un danzt un schaukelt,

sweevt, lacht hell un gaukelt

mit Blicken un Wünsken stürt,

Goodgläubigheid in sük versackt.

So swaarlos un so licht

se hoog in`d Blau van`d Heven stiggt,

slippt sacht un sinnig de Verstandeskraft,

wahrhaftigheidswiet un schemenhaft.

Tomaal een Luftzug! Bold ohn Ton

utnannerplatzt dat Luftslött Illusion.

Vörbi de Droomglückseligheid.

Torügg in de kolle Würrelheid!

Ilsa Langanke

12.03.2010