de-plattsnackers.de Logo!
Fotos
Trennlinie
Symbol Startseite
Trennlinie
Symbol Was ist Neu?
Trennlinie
Symbol Plattdeutsche Geschichten
Trennlinie
Symbol Plattdeutsche Gedichte
Trennlinie
Symbol Advent bis Silvester
Trennlinie
Symbol Wintergeschichten
Trennlinie
Symbol Frühlingserwachen
Trennlinie
Symbol Sommerfreuden
Trennlinie
Symbol Herbsterlebnisse
Trennlinie
Symbol Heimische Vogelwelt
Trennlinie
Symbol Historische Bilder
Trennlinie
Symbol Termine
Trennlinie
Symbol Autorenliste
Trennlinie
Symbol Wortliste
Trennlinie
Symbol Kontakt
Trennlinie
Symbol Persönliches
Trennlinie
Symbol Links
Trennlinie
Symbol Impressum
Trennlinie
Symbol Datenschutz
Trennlinie


6047669 Besucher seit Einrichtung am 15. Oktober 2007


 

Führerschien

 

Dat gifft ja so`n Leed: „De Lüüd, de von Land kaamt, de suupt, de suupt, de suupt, un wenn se duun sünd, denn föhrt se Auto, un wenn se Auto föhrt, denn sünd se duun!“ Max und Willi, dat weern süchse Lüüd, wo dat todrepen dee.

Annerlesd harrn se Geburdsdag fiert un een över`t Döst drunken. Se weerr’n mit’n Auto daar und menen, wi föhrt nich de grode Straat na Huus, wi nehmt de Feldweg.

 

Weer al düster. De Polizei, de up Streife föhr, dach: „Dat is ja gediegen, well föhrt denn bi Nacht daar noch?“ Se dreihen üm und föhrn daarhen. Kelle rut un schon weer dat passeert. Max und Willi mussen pusten und achteran mit to’n Doktor vör de Bloodproov. Se kunnen kuum stahn. Dat Ergebnis weer klaar, de Führerschien weer futsch. Na langer Tied mussen se to’n  so genannten „Idiotentest.“

 

Max güng toeerst rin und keem bold wedder rut und hett sien Führerschien wedder. Willi fragt em: „Na, weer dat schwoor?“

Nee,“ see de, „de hebbt fraagt, wat is de Ünnerscheed twischen Roggen un Hafer, un wat de Ünnerscheed twischen een Dannenboom und een Eschenboom.“ 

„Ja,“ meen Willi, „un dien Antwort?“

Ik heff seggt: „Roggen hett Ähren un Hafer Rispen un een Dannenboom is een Nadelboom un Esche is een Loovboom.“

 

As Willi nu an de Tour is und rutkummt, maakt de een eernst Gesicht, lett sien Kopp hangen und seggt: „Ik krieg em nich wedder.“

„Wat hebbt se denn fraagt, weer dat denn so schwoor?“

Se wullen weten, wat de Ünnnerscheed is twischen Gasten un Weten un twischen de Eek un de Linde is.“

„Un wat hest du antwordt,“ wull Max weten?

„Ik,“ seggt Willi, „ut Gasten ward Beer maakt un ut Weten Doppelkorn un

dat de Gasthoff „De Eek“ abends Klock sess open maakt un „De Linde“ halv söben.“

 

C. Fr. Bautsch
Groß Hesebeck

27.04.2011

 


© 2011 Carl Fr. Bautsch Veröffentlicht: 27.04.2011 um 11:11:00 Uhr
Dieser Text wurde 10482 mal gelesen.

Diese Seite: Weiterempfehlen - Drucken


Footer

Diese Homepage wurde realisiert durch die Event- und neue Medien GbR. (Admin)