Immer wenn`t Wiehnachten wordt

Wedder is dat nu so wied,

wedder is nu Wiehnachtstied.

Wedder sücht man Kinnerogen gleuhn,

wedder sücht man Minsken sik freuen.

Immer wenn`t Wiehnachten wordt,

wordt anners üm hör Minskenhart.

De Kinner gaht de Öllern nu to Hand,

wenn stille Freud is in`n ganz Land.

Jedereen will mit vele Saken

annern Minsken Freud nu maken.

Immer wenn`t Wiehnachten wordt,

wordt anners üm hör Minskenhart.

Ole Lüü in griesen Haar

denkt torügg an de Kinnerjahr,

un in goldig Talgluchtschimmer

singt se Leder mit hör Enkelkinner.

Immer wenn`t Wiehnachten wordt,

wordt anners üm hör Minskenhart.

To flink vergeiht de moie Tied,

waar jeder bloot dat Gode sücht.

Ach, kunn de Tied doch stille stahn,

wu good kunn`n all de Minsken gahn.

Immer wenn`t Wiehnachten wordt,

wordt anners, beter üm hör Minskenhart.

C. Fr. Bautsch

15.12.2011