de-plattsnackers.de Logo!
Fotos
Trennlinie
Symbol Startseite
Trennlinie
Symbol Was ist Neu?
Trennlinie
Symbol Plattdeutsche Geschichten
Trennlinie
Symbol Plattdeutsche Gedichte
Trennlinie
Symbol Advent bis Silvester
Trennlinie
Symbol Wintergeschichten
Trennlinie
Symbol Frühlingserwachen
Trennlinie
Symbol Sommerfreuden
Trennlinie
Symbol Herbsterlebnisse
Trennlinie
Symbol Heimische Vogelwelt
Trennlinie
Symbol Historische Bilder
Trennlinie
Symbol Termine
Trennlinie
Symbol Autorenliste
Trennlinie
Symbol Wortliste
Trennlinie
Symbol Kontakt
Trennlinie
Symbol Persönliches
Trennlinie
Symbol Links
Trennlinie
Symbol Impressum
Trennlinie
Symbol Datenschutz
Trennlinie


16491710 Besucher seit Einrichtung am 15. Oktober 2007


Administration:
Name:
Passwort:
Sicherheitscode:
SecurityCode
Absenden:


 Matterhorn

 

PlattdĂŒtsk midden in d‘ Schweiz

 

Endlich weer dat sowiet. Wi seten in d’Bus un fohren, bi SĂŒnnenschien un blauen Himmel, quer dör DĂŒtskland na Lungern in d‘ Schweiz. Lungern liggt tĂŒschen hoog Bargen an en See, de so kristallklaar rein Water hett, dat man dat sogaar drinken kann. Uns Hotel weer midden in d‘ Stadt dicht bi de See. As wi dor avends ankemen, weer dat noch lecht.

Anner Mörgen stegen wi weer in d‘ Bus un maakden en herelk Dagfohrt dör de Bargwelt. In Gstaad hullen wi an. Na en Rundgang dör de Stadt, de för Wintersport bekannt is, gung dat wieder na Montreux an d‘ Genfer See. Van en Bimmelbahn ut kunnen wi uns de moi HĂŒĂŒs ankieken. Över de See weg segen wi dat wunnerbor Alpenpanorama. TorĂŒgg gung dat över Bern weer na uns Hotel. Avends wurr dor en bunt Programm wiest. Dree Musikers un en Froo, de jodeln kunn, ĂŒnnerhullen uns. Well Moot harr,drĂŒff sogaar in en Alphorn blasen. Ik hebb dat versöcht. Dat weer nich so enfach, dor en Ton ruuttokriegen.

 

Anner Dag fohr en Schweizer mit uns. He vertell uns ĂŒnnerwegens na Lugano van sien moi Heimat. We kemen an Woterfallen, Seilbahnen un sogaar an Bargen mit Schnee vörbi. Över d‘ Sustenpass fohren wie na d‘ Gotthardpass un wieder dör de Gotthardtunnel. Up d‘ Weg na Lugano hullen wi bi en Schokoladenfabrik an. Na `t Bekieken und Inkopen gung dat denn wieder na Lugano an d‘ Luganer See. Hier weer dat moi warm un man murk, dat dit de italienisch Sied van de Schweiz weer. As wi weer in uns Hotel ankemen, kunnen wi up en Dag torĂŒggkieken, wor wi veel hoog Bargen, Seen, un Tunnels to sehn kregen haren.

An de veert Dag fohren wi na Luzern. Wie kunnen uns de weltbekannt old holten BrĂŒgg bekieken, Inkopen oder en Damperfohrt maken.

Middags fohren wi torĂŒgg na Lungern. Hier kunnen wi uns verholen, mit Seilbahn fohren, man ok mit en Tretboot över d‘ See schippern.

 

En Dag later fohren wi weer mit Bus dör de moi Bargwelt. Dat Matterhorn stund up uns Programm. Af TĂ€sch gung dat denn mit de Isenbahn wieder na Zermatt. Üm up dat Matterhorn to fohren, lang de Tied nich, man en Spazeergang dör Zermatt weer ok ganz moi. Wiel dat so moi Weer weer, fohr de Busfohrer mit uns up de Rhonegletscher. Dat Ies weer al ganz wiet weg daut, dorĂŒm harr man dor en kĂŒnstlich Ieshöhl maakt. Dor kunnen wi dörlopen. Up d‘ RĂŒcktour na Lungern wurr dat dakig un tolesd fung dat an to regen.

 

Anner Dag weer dat weer drög, man de Daak leeg noch in de Bargen. Up de Tour na Grindelwald wurr dat heller un de SĂŒnn keem to `n Vörschien. Van Grindelwald ut broch uns en Zahnradbahn na `t “Kleine Scheidegg“. Disse Bahnstation liggt ĂŒnnerhalf van de berĂŒhmt, berĂŒchtigt Eigernordwand. Dor find man Scheepkers, Bargstiegers und Besökers ut de ganz Welt.

Uns Tour gung wieder mit de Bahn an de hoog Bargen: Eiger, Jungfrau un Mönch vörbi na Lauterbrunnen. Wiel dat hier weer dakig weer, kunnen wi van de Bargen nich veel sehn. In Lauterbrunnen luur de Bus up uns un broch uns no de TrĂŒmmelbach-Waterfallen. 10 Waterfallen pulscht dor binnen in d‘ Barg andaal. Jeder Sekund loopt 20 000 l Water in de TrĂŒmmelbach. In de Barg gifft dat es Tunnellift. Dormit kunnen wi in de Barg ĂŒmhoogfohren un denn wieder över Trappen na boben klautern. Ünnerwegens kunnen wi de Waterfallen bi `t RĂŒnnerpultern bekieken. Dör elektrisch Luchten weer dat överall  lecht. As all LĂŒ weer ĂŒnnern ankomen weren, broch de Bus uns na Interlaken. Nu kunnen de FroolĂŒ nochmaal bummeln un Andenkens kopen.

Hanna un ik haren hier noch en besĂŒnners Belevnis. Wi wullen mit en Kutsch fohren un fraagden de Kutscher up HoogdĂŒtsk na de Pries för en Tour. De Kutscher harr uns woll al snacken hört un see an uns: „Ji könt driest platt mit mi snacken. Ik bĂŒn en Oostfrees!“ Wi weren platt. Wi stegen in de Kutsch un de Kutscher vertell uns, dat he van Juist stammen de un sied söben Jahr in d` Schweiz sien Geld verdeenen de. In d‘ Sömmer wiest he Touristen in Interlaken de Stadt un in d‘ Winter kutscheert he de LĂŒ mit Slee dör Arosa. Up uns Rundfohrt vertell he uns up PlattdĂŒtsk, wat dat hier in Interlaken all Mois to sehn geev. Dat Peerd bleev stahn, wenn wi an en PĂŒtt vörbi kemen un nehm sĂŒck en Schnut vull Water. Dat weer de so wennt. As wie bi d‘ Bus utstegen, weren de anner FroolĂŒ ok al dor und wi fohren ton letzten Maal up uns Reis na uns Hotel in Lungern. Anner Dag broch uns de Bus denn quer dör DĂŒtskland weer na Huus torĂŒgg.

Söben moi Daag legen achter uns, man wi denkt bestimmt noch faken an de moi sĂŒnnig Schweiz un Hanna un ik an de plattdĂŒtsk Stadtrundfohrt midden in d` in `t Hart van d‘  Schweiz.

 

Annegret Neunaber, Oldenburg

30.09.2012

 


© 2012 Annegret Neunaber Veröffentlicht: 30.09.2012 um 08:58:26 Uhr
Dieser Text wurde 19776 mal gelesen.

Diese Seite: Weiterempfehlen - Drucken


Footer

Diese Homepage wurde realisiert durch die Event- und neue Medien GbR. (Admin)