de-plattsnackers.de Logo!
Fotos
Trennlinie
Symbol Startseite
Trennlinie
Symbol Was ist Neu?
Trennlinie
Symbol Plattdeutsche Geschichten
Trennlinie
Symbol Plattdeutsche Gedichte
Trennlinie
Symbol Advent bis Silvester
Trennlinie
Symbol Wintergeschichten
Trennlinie
Symbol Frühlingserwachen
Trennlinie
Symbol Sommerfreuden
Trennlinie
Symbol Herbsterlebnisse
Trennlinie
Symbol Heimische Vogelwelt
Trennlinie
Symbol Historische Bilder
Trennlinie
Symbol Termine
Trennlinie
Symbol Autorenliste
Trennlinie
Symbol Wortliste
Trennlinie
Symbol Kontakt
Trennlinie
Symbol Persönliches
Trennlinie
Symbol Links
Trennlinie
Symbol Impressum
Trennlinie
Symbol Datenschutz
Trennlinie


17303725 Besucher seit Einrichtung am 15. Oktober 2007


Van Aapsteert bit Zegenfoot

  

In hör Rieg “Natuur up Platt“ hebbt de Landkreise Freesland un Wittmund een neei Schoolbook rutbrocht: “53 Planten un Blömen ut Freesland un dat Harlingerland“. Se hebbt sick dormit weer ördentlich in’t TĂŒg leggt, denn na dat lĂŒtt Book mit de 26 Vögels, gifft dat nu een tweed WeertstĂŒck för NatuurfrĂŒnnen.

Suntke Reents, een fröhere Schoolmester ut Bovenstroh, is de Autor van dat Bookje. He hett up söbenundartig Sieden dat över Planten un Blömen to Papier brocht, wat he al in de söbentiger Johrn ĂŒnnersöcht hett, nĂ€mlich worĂŒm de Planten in uns Gegend so nömt wurrn oder wat de Naams över de Planten verraden deen. Ok worto sick de Planten bruken laten oder wekke Planten wichtig för Deerten sĂŒnd.            

Bi’n Lesen geiht een dat van Verwunnern bit SmĂŒsterlachen. Aaber wat weer dat Bookje ohn de Biller van de Illustrator Claus Rabba ut Vorel, de dat BesĂŒnnere van elk een Plant genau tekend hett.

Dat Lektorat hebbt de PlattdĂŒtschbeupdragten Wolfgang Busch, Hillrich Reents un Georg Schwitters övernohmen.

Weer een Book, so meen ick, nich blot för Schoolkinner. DorĂŒm will ick in een Körtfaten een poor Planten vörstellen, dormit een sick van dat wunnerbor Wark mol een Indruck un Bild moken kann.


Aapsteert/Peperkruud (Kapuzinerkresse):

De Knoppen kannst eten, se smeckt na Peper, de BlĂŒĂŒt kannst mit een Aapsteert verglieken. 


Bölkwuddel (Winterrettich):


Een Rettig uthöhlen, Kluntje rin un naderhand de Saft drinken, dat helpt tegen dat Bölken, also dat luut Hoosten.


Christi Bloodsdropen (Johanniskraut):


Een Plant mit goldgeele BlĂŒten. Wenn man de Knopp van een BlĂŒĂŒt köttrieben deit, weerd de Fingers rood. De Plant bleuht ĂŒm Johanni, de Gedenkdag to de Gebuurt van Johannis de DĂŒper.

Dusendbladd (Schafgarbe):


Bi jedeen Bladd musst woll bit dusend tellen könen, so völ ganz fiene Blööd hett de Plant. De Tee dorvan schall tegen Bukpien helpen. De Schaap freeten de Planten geern.


DĂŒvelsklau-un-Gottshand/Johannispootjes (Knabenkraut):


Is‘n Orchidee un steiht ĂŒnner Natuurschutz. De oll Knull van’t letzt Johr sĂŒtt ut as’n schrumpeligen Klau oder Pootje van de DĂŒvel. De goldgeele Wuddel van dit Johr in Förm van een Hand, dat is Gotts Hand.

MĂŒggenfanger (Sonnentau):


De Tentakels klevt as mall. Se seegt ut, as wenn dor de Mörgentau up de BlĂŒĂŒt liggt. Naher suggt de Plant de lĂŒttje Flegen ut. Se steiht ĂŒnner Natuurschutz!

Peerd un Wagen/PapenmĂŒtz (Eisenhut):


De BlĂŒĂŒt sĂŒtt ut as’n Kutsch mit twee Peer dorför! Fröher harrn de Paters so’n MĂŒtz up. De Plant is giftig.

Vögelbeerboom/Drosselboom/Fleitenpiepenboom (Eberesche):


Vögels, besĂŒnners de Drosssels, freeten de Beeren geern. In’t Fröhjohr kann een sick van een duumdick Tacken een Fleitpiep schnitzen, denn de Bast lööst sick good van dat Holt.

Zegenfoot/Heesch (Geißfuß/Giersch):


De Blööd hebbt Ähnlichkeit mit een Erdbeerbladd. De Plant mokt sick leider immer mehr breed, wat ja in’n Tunn besĂŒnners argerlich is. Wenn man dat Kruud rutrieten deit, hesst blot een Bladd mit de Zeegenfoot in de Hand. Man kann de Blööd sogor eten, blot dormit kriegst de Plant ok nich weg.


Tja, dat weern nu in een Körtfaten 9 van 53 Planten ut dat lĂŒtt Book, de ick hier vörstellt hebb. Well nu noch de Naams un völ Wetensweertes van de anner 44 Planten un Blömen weten will un dorto de Biller sehn mag, de schull gliek bi sien Bookhandlung nafrogen un sick up‘n Padd moken.  
Dissen Leckerhappen dröfft een sick nich entgohn laten! Dat Bookje is nÀmlich ok weer een Boosteen dorto, uns de Natuur nahder to bringen un gliektiedig een Anstöt dörför, uns Natuur to achten un to plegen, denn se is uns Levensgrund.

Un wo mui hett de Komponist Max Reger dat mol den Sinn na seggt: De BlĂŒten van uns Planten un Blömen sĂŒnd dat SmĂŒsterlachen van de Natuur.


Anmarken: Mien Bidrag över dat Bookje "26 Vögels ut Freesland un dat Harlingerland" steiht ok up disse Sied. Un de ganze eerst Uplaag 2008 van dat Bookje "22 Vögels ut Freesland" kann een up uns WEB-Sied in Platt- un in HochdĂŒĂŒtsch nalesen, de wunnerbor Vögel-Teknungen ankieken un sogor de Stimmen van disse Vögels to Gehör kriegen (Klick up "Heimische Vogelwelt"!)


Hans-Jörg Beyer
30.05.2013

 

                                                                                                                                 


© 2013 Hans-Jörg Beyer Veröffentlicht: 01.06.2013 um 10:01:30 Uhr
Dieser Text wurde 21481 mal gelesen.

Diese Seite: Weiterempfehlen - Drucken


Footer

Diese Homepage wurde realisiert durch die Event- und neue Medien GbR. (Admin)