An Dullert
16.11.13

Bün an Dullert, de Wellen brusen,
Windbö’n doon mien Hemd upblusen.
Overall hör ick Möwenschrie,
de Tied geiht so flink vörbi!

Gah sinnig spazeeren an‘d Diek,
Schapen to sehn wiet und breet.
Bunte Draken hemelhoch flegen,
frei mi dran, do se ut Ogen verleesen.

Sitt up Bank geneet de Wind,
de as’n Leed int Ohr mi klingt.
De Tied schient still to stahn,
mien Aam so free - is dat fein.

Vör Overmoot treck ick mien Schoo’n ut,
gah spazeer’n int Slick - wiet rut.
Week, as up Wulken löpt sük dat,
is gesund und frisk , avers natt.

Wiet wech und sünig to sehn -
seh ick een hooge Lüchttoorn stahn.
Witte Schepen trecken int Feernt vörbi,
ick aam, leev, und bün so free!

Herbert van Anken
28.05.2014