Boßdorf is dot!

(Die Schreibweise des Autos wird unverändert übernommen)

Dat weer een Kun`n, dat weer een Kun`n!
De Otem stock. - de Slag de weer to groot. -
As öberall dat güng von Mund to Mun`n:
“Boßdorf is dot!“

Boßdorf is dot! - Wat för een haddes Wort!
Een von uns` Besten de is von uns gohn.
Een Dichter von echt plattdütsch Sprok un Ort,
De för sien Volk soveel, so grotes dohn.

Een Minsch, de so bescheiden weer un still,
Bi all sien Krankheit noch so fliedig schreeven.
De uns no Johrn dat plattdütsch Bühn`nspill
So wunnerboor op`tfrisch nu wedder geew.

Sien Mund de swiggt, de uns soveel vertellt,
De plödert hett so geern een plattdütsch Wort.
De Fedder roht, de uns de plattdütsch Welt,
De uns dat plattdütsch Wesen opnbort.

Dat Hadd is still, dat so vull deepe Leew
För siene Heimot un sien Minschen slohn,
Dat uns in uns` ool Sprook sien Bestes geew.
Een grote Dichter de is von uns gohn.

Een von uns` besten Söhn`s de is nich mehr,
De`t mit sien Volk un Sprook hett meent so god.
Een`n leewen Minschen hebbt wi bröcht to Eer:
„Boßdorf is dot!“

*Hermann Boßdorf  geboren am 29. Oktober 1877 in Wiesenburg/Landkreis Zauch-Belzig, gestorben 14. September 1921 in Hamburg. Dichter vieler plattdeutscher Theaterstücke. De rode Ãœnnerrock.- Bahnmeester Dod. - Kramer Kray und viele weitere bekannte Stücke.

Friedrich Schnoor, 1921