T in M

Daar was maal een met mi verwandt,
de keem heel wied ut Binnenland,
he dee mi t'huus besöken
un kwam bi uns in't Köken.
Moder hett futt Koken brocht,
gau Water in hör Ketel kookt,
daar fragt de Fent: "Gibts auch Kaffee?"
waarup mien Moder see:

"Wat wullt Du hemm`n?
Wi drinken T in M!"

He keek wall in sien Koppke rin,
daar was nu helemaal  nix in.
Denn froog he mit een dröge Stemm:
"Was ist denn das ein T im M?"
"Nu wacht even", see mien Moder gau,
se hollde hum de Kluntjes tau.
un  ut hör olle Treckpott geet se
dat brune Natt in siene Tassé.

Daar reep he: "Oh!
Jedoch - das M im Tee - ist wo?"

Mien Moder hörde daar neet up.
Se geev hum noch een Wulkje drup.
Un tofree met heele Bauel
satt se sük bequem  up't Stohl.
Se angelte een Kokenstück,
holl ehr Koppke nett för sük
un wies de Gast hör't gliek to doon.

Denn see se: "Wolln Sie mal schaun?
So geht es jedem Fremden
beim ersten Tee in Emden!".

Hans-Gerd Wendt ut Emden
23.01.2016