de-plattsnackers.de Logo!
Fotos
Trennlinie
Symbol Startseite
Trennlinie
Symbol Was ist Neu?
Trennlinie
Symbol Plattdeutsche Geschichten
Trennlinie
Symbol Plattdeutsche Gedichte
Trennlinie
Symbol Advent bis Silvester
Trennlinie
Symbol Wintergeschichten
Trennlinie
Symbol Frühlingserwachen
Trennlinie
Symbol Sommerfreuden
Trennlinie
Symbol Herbsterlebnisse
Trennlinie
Symbol Heimische Vogelwelt
Trennlinie
Symbol Historische Bilder
Trennlinie
Symbol Termine
Trennlinie
Symbol Autorenliste
Trennlinie
Symbol Wortliste
Trennlinie
Symbol Kontakt
Trennlinie
Symbol Persönliches
Trennlinie
Symbol Links
Trennlinie
Symbol Impressum
Trennlinie
Symbol Datenschutz
Trennlinie


7070961 Besucher seit Einrichtung am 15. Oktober 2007


Dat weern uns Tieden          vun www.addi-kahl.de

 

Ok wi weern maal jung, -  vull vun Ideen un noch ’n Barg mehr,
wull’n leven, lachen, dansen, - wat gifft dat Leven an Musik so her.
Uns’re Tieden mit Stars, as „Elvis Presley“ —— un „James Dean“…….
„Vun Wind verweiht“, - een Kino-Rönner, - un dat wuchenlang.
Jung un bannig veel Knööv, - ok wi wull’n bloots denn „Tiger in’n Tank“,
„Clark Gable“, de „Monroe“, „Bogart“ hüng’n  bi uns as Poster an de Wand.

Bill Haleys: „One two three a clock“, — een Ohrwörm un ok noch hüüt,
wi drünken „Cola mit Rum“, duun in’n Kopp mitünner weer teemlich Schiet.
As Kavaleer fröög Mann `ne Deern: „Dörf ik Di later seker na Huus bring’n?“
Dat „Knutschen“ op de Straten, - wat Dank „Moral“ överhaupt nich güng.
„Only you“, denn Superhit, denn hebben wi beleevt un ok so föhlt,
wull’n op keen Raatslaag hörn — af un an ok maal mit Gefohr un Füür speelt.

De 10-Plattenwessler, - de modernste Clou för de nieg’sten Hits
un „Juke-Box“ stünn in Kneipen, - för poor Stücken D-Mark in denn Slitz
geev ’t Slagers vun „Peter Krauss“ bit „Hans Albers“, — dat weer uns Musik…….Klock acht an Avend in de Danssaals — weer kuum een Platz mehr frie un keen Kapell dröhn di de Ohren dump, Lüüd, so weer dat in uns Tiet. Keene DJ’s, keen „Karaoke“, - Muskanten spelen noch allens vun Hand.

„Paul Kuhn“ - brööch mit „Beer op Hawaii de Stimmung to’n kaken
„Heinz Erhardt“ Witze löten för Lachen Tranen över Backen lopen.
„Bonjour Kathrin“, - de beleevte Fernseeh-Revue, — „de“ Stratenfeger slechthen.
„Pack de Baadbüx in“ - süng de kesse Conny Froebus ut Berlin. Deerns mit’n Miniröcke un Petticoats, - Oh ja, ok uns Tieden weern schöön?

Keen „Fastfood“ un „Currywust, eerste bruun braden Gockels ut „Wiener Wald“. Na lange Dansnacht to Arbeit, - dat weer jümmers een „Mutt“ op jedeen Fall. „Bonanza“ as Serie,  de allereerste Glimmstengel würr nu qualmt. “Wenn Du wieter so paffen deist, warrst Du bestimmt nich oolt“. In VW-Käfer, de Knutschkugel „Isetta“, - un ok in ’n lütteen „Plastik-Lloyd“, över’n „Brenner“ na Italien, Mann, mitünner hett de Motor doch gresig huult.

De „Isabella“ vun „Borgward, - för uns een unerfüllbore Droom.
An de Büxenbeen Fohrradklammern - un hen na ’t Kino, üm „Sissi“ to schuul’n. De Knef schokeer splitternackig, - för Moralisten een wohre „Alpdroom“ un Oswald Kolle vertell de Lüüd: „Wo geiht dat „Leev-maken“ denn nu?“

De Wahn vun Weltrieg noch in’n Kopp, so veel gruusliches Leed.
De Film „De Brüüch“ mit Wepper un Lechtenbrink dukumenteer düsse Tiet. Freddy süng dat Wüstenleed vun denn „Fremdenlegioneer“,
Un „So schöön weer de Tiet“, - de gifft dat nu so lang’n nich mehr.
Ok „Jim, Jonny un Jonas“ wull’n all dortomaal levers na Hawaii gahn
un „Armin Harry“ lööp denn 100-Meter-Weltrekord, för uns Düütsche de blanke Wahn.

Ja, dat sünd bloots poor Erinn’rungen an uns’re Tieden,
un noch mehr as sößtig Johr sünd vörbi, sünd as nix vergahn,
wo sünd all de Minschen bloots bleven, de ik noch sehn kann in mancheen Droom……

Addi Kahl
13.05.2019


© 2019 Addi Kahl Veröffentlicht: 13.05.2019 um 16:45:04 Uhr
Dieser Text wurde 1249 mal gelesen.

Diese Seite: Weiterempfehlen - Drucken


Footer

Diese Homepage wurde realisiert durch die Event- und neue Medien GbR. (Admin)