|
De Duven
Min Ool weer dat, wat man fröher mul
lütte Buur nennt hett. Over eegentlich hett he dat mokt weil he nich so veel
Geld har und wi uns sowiet dat ging sülvst versorcht hebbt. Neben de Tiern harn
wi uk een groote Gorn. Na ja , an Tiern harn wi so teemlich allns: Höhner, Aanten, Kaninken,Swiene,Schoope,
een oder twee Ponys, Hunn un Katt un Duven. Jede Sünndag geev dat Fleesch. So
weer dat bi uns op de Insel.
Nu hett he uk ümmer een beten
hannelt. Tuuschen un verköpen dat much he liedensgeern. Een Fridach keem Bubi
vörbi. He wull zwee Duven vun min Vadder köpen. „ Kanns du kriegen. Ik heff een
por inne Schlach. Kiek di de mol an.“ De beiden weern sick denn uk eens. „De beiden witten dor vörn sind een Poor.
Geev ik di för tein Maak. Un Bubi, denk
dor an, du muss de mindestens fief Daag inspaarn, dormit de bi di blieben.“
Tein Maak betaalt un Bubi glee sick denn uk no een Buddel Beer aff.
Sündaag weern de Duven denn torüch. Min
Vadder schüddelt de Kopp un secht: „ Wi kann man blots so dösich ween. Mehr as
verkloorn kann ik emm dat uk nich.“
Moondag keem Bubi denn ansuust: „ Kurt, Kurt min Duven sind wech.“ „ Ik heff
di doch secht du schasst de inspaarn för fief Dooge. Over du hest Glück. Ik
heff noch een Poor. De seen fast gliek ut. Heel un deel schmucke Poor. Kossen
uk nur 10 Maak.“ Dat is wohr. Seen so liek as de anner beiden ut. De Duffel
weer aver bi dat letzte mul een beten gröter…“ „ Wenn du dat meenst. Ik kann
keen Ünnerscheed fasstellen. Wullt du de jetzt oder nich?“ Bubi hoolt de Knipp
rut un betaalt wedder 10 Maak. Geev wedder een Beer un Bubi suust sick wedder
aff.
Nu kümmt dat wat koben mutt: Twee
Daag laater sind de Duven allwedder bi min Vadder. „ Nu kiek di dat an Thies.
Wat hebbt wi bloos för feine Tiern. Kom jümmers torüch. Wat mok ik blots, wat
mok ik blots? Dree mul kann ik nich mol Bubi de verköpen. Ik glööv wi schlacht
de un eeten de op. Denn sünd wi dorvun aff. Wat meenst Du?“ „ Dat laat uns man
so maaken. Kanns Bubi ja vertelln, dat wi keen witten Duben mehr hebbt. Villicht
schull he leever Höhner nehm. De fleegen tominnst nich wech.“
Anner Daag keem Bubi denn uk nochmul
anne Warft. „ Kurt, din Duben bringen mi keek Glück. De sünd mi allwedder
utneit.“ „ Tja Bubi, so is dat mit de Duben. Hett nich jeder Glück mit. Ik heff
keen witten mehr. Kanns over een Poor vun de grauen kriegen oder wullt du dat
mull mit Höhner versöcken? De sünd over een beten dürer, weil de nich
wechflegen. Thies hett uk noch
utschlacht Kanincken und Duben to verköpen. Denn hest du wat för Sündaag ton
Middageeten.“
Bubi hett denn noch een Beer drunken
un mi een utschlacht Kanink afköfft. Vun Duben harr he de Hals striekenvull…
Duv heet de Deern un Duffel heet de
Keerl. So is dat op Nordstrand… Thies Reinhold
11.05.2020
|
