de-plattsnackers.de Logo!
Fotos
Trennlinie
Symbol Startseite
Trennlinie
Symbol Was ist Neu?
Trennlinie
Symbol Plattdeutsche Geschichten
Trennlinie
Symbol Plattdeutsche Gedichte
Trennlinie
Symbol Advent bis Silvester
Trennlinie
Symbol Wintergeschichten
Trennlinie
Symbol Frühlingserwachen
Trennlinie
Symbol Sommerfreuden
Trennlinie
Symbol Herbsterlebnisse
Trennlinie
Symbol Heimische Vogelwelt
Trennlinie
Symbol Historische Bilder
Trennlinie
Symbol Termine
Trennlinie
Symbol Autorenliste
Trennlinie
Symbol Wortliste
Trennlinie
Symbol Kontakt
Trennlinie
Symbol Persönliches
Trennlinie
Symbol Links
Trennlinie
Symbol Impressum
Trennlinie
Symbol Datenschutz
Trennlinie


15756502 Besucher seit Einrichtung am 15. Oktober 2007



 

Buddelpost käm an - Joschua ut Bangladesch antert Julia 

Stolt holt mien Dochter Julia een Breef inne Hand. Dor hett een ut Bangladesch wahrhaftig op ehr Buddelpost antert. Ober de reeg no.

Düt Joahr wulln wie nich mit´n Fleger weg. Dütschland is ock scheun oder viellicht no Dänemark, denn dor sünd so feine Ferienhüs. Dat Plietschphon wüllt wi nach Möglichkeit nich bruken. Drachen steigen looten, Gesellschaftsspeele oder ann Strand kieken op dor wat to finnen wör. Bernstein schall it ja nur anne Ostsee geven, aver nokieken un de Oogen open holln, dat wär secker interessant. Viellicht wär ok wat von een ünnergohn Schipp dorbi. Wenn wi denn Strand afsöken, hept wi jümmer wat interessantes funnen un wenn dat nich interessant genog wör, heff ick dat mit een lütte Geschicht interessant maakt und heff von Seeräubern, Meerjunkfruun oder groode Deerten mit lange Arms vertellt, de een Schipp mit in de Grund rieten kunn. Jümmer wenn mien Kinner wat funnen harrn, wullt se een Geschicht hörn. "Kiek mal Vadder, ick heff een leddig Buddel funnen. Hett dor de Seeräuber Störtebeker ut drunken? Watt könnt wi dormit moken?" Ick harr foarts een Idee. Wi schrievt een Buddelpost. Tohus ward dann op Hochdüütsch, Englisch, Französch un op Plattdüütsch son beten wat schrieven, de Namen un Adress, wo un wann wie de Buddel int Meer smeten harn und dat wi uns frein deen, wenn jemand antern wör, schullt se een irgenwo finnen. As dann soon aflandigen Wind weiht, smitt ick de Buddel mit den Zettel dor bin wiet int Meer. Wi harrn an de Buddel schon nicht mehr dacht un datt een de Buddel finnen und antern wör. Twee Moond looter, wi harrn de Buddelpost all lang vergeten, käm een Breef an. De käm ut´n Utland un wör för mien Dochter Julia. Wi all wörn nescherig, wokeen dor schreven harr. An de Buddelpost harr ja keen een mehr dacht. "Dor hett een antert op mien Buddelpost!" röppt Julia luut. "Wies mi mol denn Breef", sech ick, aber se gäv emm nich her. "Wo licht egentlich Bangladesch?" frogt se. Mi schoot dat dörch denn Kopp, schull de Buddelpost um de halve Eer swommen sien, denn Bangladesch wör op de anner sied von uns Eer bi Indien. Nu wull ick denn Breef doch heppen. Un dor steit dat. Joschua ut Bangladesch wahrhaftig de Buddel funnen harr. He wör düssen Sommer bi sien Grootmudder in Göteborg un hett dor de Buddel funnen. Julia wull trüch schrieven, aber düt mal nich as Buddelpost, denn de Breef schull ja noch ankummen bevor he wedder trüch fohren de.

Horst Rübke
18.01.2022


© 2022 Horst Rübke Veröffentlicht: 19.01.2022 um 17:09:04 Uhr
Dieser Text wurde 1409 mal gelesen.

Diese Seite: Weiterempfehlen - Drucken


Footer

Diese Homepage wurde realisiert durch die Event- und neue Medien GbR. (Admin)