|
Bi`d Stadtpark achtern Knick hett de Wiehnachtsmann stahn,
mit`n groden Sack un een groden Dannenboom.
He kickt üm de Eck un brummelt mit sück:
Oh, is de Tied al so wied?
Da mutt ik ja lopen all wat ik kann,
da, da geiht de Sack al wedder up!
De verdreihte Hampelmann kickt al wedder boven rut
mit de Zibbelmütz un de lutste Snut.
Maak dat du rin kummst in de Sack,
is doch to dull mit dat lüttje Pack!
De Wiehnachtsmann bind de Sack mit`n Knütt ganz to,
de da binnen koomt noch lang nich to Ruh.
De Puppen blarren un schreen:
„To help, to help – to help uns denn keen?
Düvel du treddst mi up min Kopp,
Kasper du treckst mi an min Zopp!
De Wiehnachtsmann brummt: Swieg still all tosom`,
wat schall all dat Görenkram?
Harr ik den rechten Weg erst funnen,
geiht hier de Karkenpadd in Runnen?
Da kickt de Maan achter de Kark un seggt:
Dör de Hexentrepp geiht de Weg.
Wiehnachtsmann dat weetst du nich?
Sachte, sachte nu fall man nich!
Peggy Reinhold
20.12.2007 | 
