de-plattsnackers.de Logo!
Fotos
Trennlinie
Symbol Startseite
Trennlinie
Symbol Was ist Neu?
Trennlinie
Symbol Plattdeutsche Geschichten
Trennlinie
Symbol Plattdeutsche Gedichte
Trennlinie
Symbol Advent bis Silvester
Trennlinie
Symbol Wintergeschichten
Trennlinie
Symbol Frühlingserwachen
Trennlinie
Symbol Sommerfreuden
Trennlinie
Symbol Herbsterlebnisse
Trennlinie
Symbol Heimische Vogelwelt
Trennlinie
Symbol Historische Bilder
Trennlinie
Symbol Termine
Trennlinie
Symbol Autorenliste
Trennlinie
Symbol Wortliste
Trennlinie
Symbol Kontakt
Trennlinie
Symbol Persönliches
Trennlinie
Symbol Links
Trennlinie
Symbol Impressum
Trennlinie
Symbol Datenschutz
Trennlinie


15270270 Besucher seit Einrichtung am 15. Oktober 2007



All de Leevde op uns Eer?              

 

„Segg maal, fröög ick de lüttje Oma, wolang’n is dat egens her,

dat Du hier in dat niege Heim Besöök harrst vun Dien’n Jung?“

„Oh,- weet gor nich so genau, - sünd bestimmt all poor Wuchen her!“

Un ick sööh ehr trurige Ogen, un düsse Würr wull’n schamig nich so över ehr Tung.

„Dorbi hett he verspraken, nu ok öfters maal kort to kommen,

beten kommodig mit em Koffe drinken und beten wat vertell’n un so.

Avers nu sünd all Maanden vergahn mit so veel eensame Stunnen!“

Man sööh in ehr lüttje Snuut an, de Kummer sett ehr doch bannig to.

„Un ansünsten, Oma?“ — „Och, dat geiht so, - bünn ja sowiet tofreden.

Miene Lüüd hebben ja ok ’n goden Heimplatz funnen, ick warr hier nett versorgt!“

 

In de stille Stuuv tick jümmerto de oole Wandklock…………

 

„Du Oma, - hüüt hebben wi ja nu denn Moderdag tofaten!

Dor ward he Di ganz bestimmt besöken, meenst Du nich ok?“

Un ick sööh ehr lütten faltigen Hannen so ’n beten bevern un mark doch,                          

dat se de ganze Tiet bi uns Gespreek jümmers na buten horch!……..

Denn meen Oma reinweg as dull: „De Jung gönnt sik ok to wenig Rooh,

dat niege grote Huus mutt fardig warrn un ok sien Chef will toveel vun em.

Un sien veele Bidrääg in all de Vereene sett em ok jümmers bannig to!“

In ehr Ogen kööm so ’n bestimmtet Füür, dat woll bloot ’ne Moder hett:

„Ick heff jümmers Bang um mien Jung, - he geiht ok veel to laat to Bett!“

 

In de welken Hannen dreih se ahn Enn de Brill…………

 

„Ok sien niege Auto mutt he ok noch afbetahlen! — Ja ja, dat is so ……!

Ik stüür em vun mien lüttje Rente af un an een poor Euros bi,

wat bruuk ik oolte Fru noch groot? - Ik laat mien oolte Schooh besahlen,

dat reckt hier in ’t Heim denn ok för mi! …. 

 

tic-tac-tic-tac de Klock in de stille Stuuv……..

 

„Segg maal, lütt Oma, hest du denn eegentlich ok Grootenkels?…

„Oh ja, - hier in de Schuuflaad von mien Kommod liggt een poor Biller binnen! -

Avers, se hebben veel to veel mit all denn modernen Kraam üm de Ohr’n

un ick glööv, se wüllen ehr Oma beten schonen un nich to oftins stören!“………

Fohrig wisch ehr Hannen över ’t witte Dischdook-Linnen…

……tic-tac-tic-tac……

 

Denn op’nmaal klopp dat an de Döör, — opletzt is ehr Söhn denn ok dor, ….

un as ’n Sünnstrahl wesseln in ehr Kummerogen grote Freid ünnert witte Hoor.

So na gode Stünn, de Jung schuul heemlich öfters op de olle Wandklock:

„Mama, wi mölen balden wedder föhr’n! - Wat löppt de Tiet bloot, wenn man hier hockt!“

„Du muttst doch hüüt to Moderdag nich ok noch loos?!“ schimp Oma empört,

dat kann doch keen vernünftige Minsch vun Di verlang’n!“……..

„Mama, nu beddel doch bloot nich so, — dat gifft ok noch anner wichtige Saken!

Kiek maal, de ganze grote Familije, - dor mutt ik ok noch beten Frietiet laten!“

Du, paß maal op, ik komm bald wedder mit smucke Blomen, besünners schöön!“

Un ik kunn ehr’n Blick lesen un wüß, glieks, wenn he gahn is, würr se wenen!“

Addi Kahl


© 2022 Addi Kahl Veröffentlicht: 19.07.2022 um 16:02:13 Uhr
Dieser Text wurde 210 mal gelesen.

Diese Seite: Weiterempfehlen - Drucken


Footer

Diese Homepage wurde realisiert durch die Event- und neue Medien GbR. (Admin)