Geschenk van Opa

Een Opa, de Geschenke hett utdacht

wurdt van dat Jungvolk flink utlacht.

He söcht för de Enkeln Saken ut,

de för dat Jungvolk is een Gruus.

De jung Lü sünd för dat Modeern,

de Opa mag dat nich so geern;

un dat, wat he för good un praktisch holt,

de jung Minsken haast neet nich gefallt.

So wied, so good, he faat de Mood,

wenn ok dat is nich so gewohnt,

un för de Geest van`t Fest is dat bedrövt,

wenn he na sien Dünken eets wat köfft.

De Verstand seggt hüm, hen mit dat Geld,

so is vandaag de snötterg Welt.

Dat Jungvolk hett de Dreih woll funnen,

un verbrukt dat Geld för moie Stünnen.

Man kann dat ok, dat is to begröten,

in later Tied ok bruken moten.

Opa will kien sittsaam Prediger ween

un seggt: „Deelt jo dat man sülven in.“

De Opa blifft still bi disse Saken,

he will kien groot Upsehn maken.

He meent, un dat is van de Reed de Rest:

„Ik wünsch jo een ganz moie Fest.“

Gottfried Ladenthin

In`t Plattdütsch sett: Rudi Rabe