|
Us Padd
Us Padd mutt wie gahn, dat is klaar.
He is wiss neet alltied licht!
Irgendwenn sünn wi daar,
gellt för jeder – „Gahn“ is Plicht.
De Weg is us bestimmt,
bi Geburt is‘d al entschedd.
Of man hum eenfach nimmt,
oder of man to lieden hett.
Wi all gaht de Padd,
egal wo’d um hum steiht.
De wanken doon of wat,
weten neet, wo’t wiedergeiht!
Een of anner hett’n good Start,
of sien Wille de he hett.
För enigen is’d de Hoop,
un för annern gelt de Tablett.
Man blots de in’d Leven
liekut geiht sien Padd,
ward an Enn dat geven,
wat he verdeent sük hett.
Herbert van Anken
26.08.2010
| 
