Ton Gebortsdag

Dien'n Wunsch, Di mol'n Gedicht to schrieven,
Will ik Di denn nich schullig blieven,
Denn de Gelegenheit is door,
Hüt, wo Du warrst grod seßtig* Johr!

Siet Johren doot wi uns al kenn'n
Un deen plattdütsche Frünn uns nenn'n,
Un glööv mi, bit to düsse Stunn
Hebb ik een'n trueren Fründ nich funn'n.

Doch mien Fründ büst Du nich alleen,
Ne, all von'n plattdütschen* Vereen,
Wo man henhört, köönt Ji't höörn,
Se hebbt all unsen Willi* geern.

Sien ruhig Wesen un Gemööt,
De seekern em för alle Tied
Bi all von gode plattdütsch Ort
Een Fründschaft, de för immer wohrt.

Dat wünscht wi nu in düsse Stunn'n
Di alltosoom'n ut plattdütsch* Runn'!
Un dat Du lang un sund mögst leven!
Dorum laa uns de Glöös nu heven:
„Uns leeve Willi*, de sall leven!
Hoch, Hoch, Hoch!“

Friedrich Schnoor

1876 - 1966

* Bi de Steerns köönt ji ok jeden annern Nomen insetten