Herzlich Willkommen!

Neejahrsgedanken

Dat ole Jahr is vörbi nu jüst,

dat nee vör uns steiht

un jeder van uns geern wüst

wu’t in nee Jahr wiedergeiht.

Wat west is is nu vörbi,

daar kannst du nix mehr maken,

wat komen deiht, dat weet man ni,

de Ogenblick musst du anfaten.

Maak van de Angst di free,

bliev bi de Wahrheit du,

gestalt bewusst dat Leven nee,

denn find’st du Glück und Ruh’.

Na vörn musst du streven,

un fallt dat noch so swoor.

Schaff Frünnen di in’ Leven,

denn geiht schon alles kloor.

Bewahr as Schatz wenn’t geiht,

löppt manches ok maal scheev,

de Hoopnung un Tofredenheid

‘nen fasten Gloven un de Leev.

Blot, wer na all de Möh un Kraft,

na all dat vele Streven,

sik alle Daag nee Freude schafft,

versteiht richtig ok to leven.

Enen Rat kann ik noch geven

un fallt dat noch so swoor.

Wees ok maal beten mehr tofreden

un bliev gesund in`t nee Jahr..

C. Fr. Bautsch

01.01.2012