Herzlich Willkommen!

Silvester

Dat Jahr geiht nu to Ennen,

wu flink de Tied verflücht.

Bold kummt Olljahrsnacht,

een neei Jahr begünnt.

Dat is een ewig Schalten,

dat old Jahr geiht to Ruh,

un mennigeen de wi kennen

dummeln in Grabesruh.

Een Komen un een Gahn

dat is de Welten Loop.

De Eer blifft bestahn

un Saat un Arnten ok.

Aber ohn Gottes Segen

kann kin Saat klievern.

He schickt Dau un Regen

un Lücht un Sünnenschien.

Wi willt Weersehn seggen

an dat ole Jahr,

broch uns Freid un Tranen

as een un elke Jahr.

Wenn Karkenklocken lüden,

een neei Jahr begünnt,

doch lett sück`t nich düden,

wat all för uns bestimmt.

Wi willt wieder schaffen,

so as dat immer weer,

un bloß dat Beste hopen,

dat`t uns good geiht as bither.

Karin Steiner

07.12.2009