Herzlich Willkommen!

Wiehnachten is moi, denn denkt wi all

an dat Kind in d` Krübb in Bethlehems Stall.

Wiehnachten is moi, denn rückt dat na Dannen,

denn lücht de Kersen, denn folt wi uns Hannen.

Wiehnachten is moi, is mitnanner beden,

is mitnanner hören un mitnanner reden.

Wiehnachten is moi, is annanner denken;

sünd blied Kinneroogen un sick nanner wat schenken.

Wiehnachten is moi: is Klockenklingen,

is Kinnerlachen un mitnanner singen.

Wiehnachten is moi: Wenn d` Wiehnachten ward,

denn schient een Lucht ok in uns Hart.

Wiehnachten is moi: West man al blied.

Ik wünsch jo mitnanner een moi Wiehnachtstied.

Annegret Neunaber

16.12.2008