Herzlich Willkommen!

Wat weer dat noch, de Maimaand?

De lüttje Harvst hett sik verlopen, moodwillig natürlek, he weet gaarnich mehr, waar he is. He hett Unmengen an Kleiweer daarbi, he lett af un an de Bööm slackern, he is vull towedder.

Tokomen Nacht will he stedenwies, waar allemaal dat liggt, för witte Wischen un Snee-Gladen sörgen mit sien fiesen, ieskold Fingerbieter. Disse freei lopende Priekel Genöök wordt hoognödig söcht. Vörsicht is boden, wenn man hüm tomötkummt. He blaast elk foors sien ieskold Wind in d`Gesicht. Nackkeel un Brägenklötern sünd de Folg. Tolesd wurr he in de Noorddütsk MAI-Filiaal sehn.

Stichwoord MAI! Well weer dat noch glieks? Dat weer doch glend Heeven, Sünn, helle Wulkenfeller un bannig Waarmt. Daar kunnst mit kört Büxen rümlopen of in`t Freeibad gahn! Kann`n sik doran noch well besinnen?    

Also leeve Lüd, Klüsen up un dissen Utbreker söken un torüggjagen. De Lohn för jo sünd de strahlende Gesichten van uns allen.

Karl-Heinz Wesemann

24.05.2013