Herzlich Willkommen!

Hartsmart in März

As’n lüttje Feddernball mit Stupssteert, nüüdelich bruun,
drööm he in Märzmaand denn wunnerbooren Droom:

Ick warr een warmet Nest in’t puttdichte Krattwark planen
un mi mit veel Bedacht as Brüüdigam na’n söte Bruut
umkieken bi all de Damens….

„Hallo ji Deerns“, rööp he hell: „Ick as Tuunkrüper-vun-Tuun
will mit de, de mi heiraden deit, uns luurlütte Riek opbuen.“
Ick meen, op’n „König“ kann Jeedeens höhnerblind buen.
Se mutt sik avers ok engajeert een düchdige Tuunkönigin
totruun!

Ick haff all langen mien Glücksslott plazeert, in een olle
Wichelboom, vull weeke Moos stoppt un goot versteken
in’t Schalm an Watersuum.
Uns Nest will ick noch’n beten beter utpolstern mit
weeke Dunen för uns lütte Tuunkrüperkinner, dat is mien
Opgaav un sööte Droom.
Man to, leev Damens, würr sik mi denn maal Eene motig
anvertruun?
Ick heff’n fien Leven antobeden as stolte
„Tuunkrüper-vun-Tuun!“

Addi Kahl
Bild: Peter Schultz