Echt smart

Ut dat normaale Telefoon is hüüt jo mehrst dat Smartphone

worrn. Dat kannst jümmer in de Tasch

bi di dregen un vun överall mit de ganze Welt snacken. Un  smart wüllt wi

doch all ween.

In´t Internet kannst mit so´n Smartphone ok wat nakieken.

Dorför hett dat en Display,  op dat du de Ingaven (Eingaben) maaken

muttst. Avers besünners pummelige Fingers

dörvst dorbi nich hebben. För de is dat so ne Oort “Mäuseklavier” un

du kummst jedet Maal glieks op twee or dree Bookstaven or Tallen (Zahlen)

togang.

Denn kannst gor nich so gau kieken, wo dor Billers vörbi

ruuschen, de du nich wullt  hest.

Ik heff nülich en Deern draapen, de harr so lange

Fingernagels, dat se ehr Fingers  dweer (quer) op dat Display

leggen müsst, wenn se

wat ingeven wull.

Eckhard Lakowski