|
Mood
Fröher hett de Mood (Mode) de Fruunslüüd vun Johr to Johr
vörschreven wo lang de Röck ween müsst.
Een Johr weer dat man richtig, wenn de Kneen rutkeken
hebbt, anner Johr müsst de Röck ´n poor Zentimeters langer ween. Un denn wedder
anners or ganz kort. Un de Fruunslüüd hebbt dat ok nau so maakt. Weer jo Mood.
Dat witzig an de Geschicht is för mi, dat dat tomeist ok
noch Keerls weern, de sik “Modeschöpfer” nömt hebbt un sik dat
utdacht hebbt. De seten denn in Paris or en anner Deel vun´t Utland un hebbt
bannig wichtig un klook de Vörgaaven för de neegst Saison maakt.
Hüüttodaags givt dat so´n Mooddiktat gor nich mehr, un
elkeen Fro sökt sik sülven ut wo lang ehr Rock ween schall.
Un wenn se en Büx (Hose) antrecken will, denn doot se dat
ok.
Eckhard Lakowski
|
