|
Rekord-Opa
Ik
heff lest, dat in England een Mann bi lütten wedder Grootvadder warrt. Dat is
je an un för sik ganz normal, brukst nich över snacken. Man de is 92 Johr old
und warrt nu dat 106. Mal Grootvadder. Jo, du hest di nich verkeeken: 106! 33
Enkelkinner hett he nu, 61 Urenkel un 11 Ur-Urenkel.
De
kann een je meist een beten Leed doon. Nu mark di mol all de Nomens! Dor kannst
je wull in’n Tüdel komen. Un denn de Geboortsdagen. Erstmol musst du doran
denken, dorbi warrt glieks de Bregen traineert. Un denn schallst am leevsten je
ok noch wat schenken. Sünst büst je keen goden Grootvadder. Dat is meist jeden
drütten Dag en Geboortsdag, un wenn dat to moken is, musst di dor je ok sehen
laten. Wat is dat för’n Reiserie. Un wat dat kosten deit! Dor bün ik doch mit
en „normale“ Grootvadderleven tofreden.
Gerd
Thiessen
28.02.2014
|
