Wat een Straaf
 |
Wat en Straaf!Bi dat Eten is dat je schön, wenn dat smecken deit un ok dörf dat nich an’ Disch to luud dorbi sien. In de Kantin vun en School in Amerika, in New Jersey is dat west, harr sik dat Personal över den Larm bi’t Middageten jümmers düchdig argert. De Schölers hebbt sik luut an’n Disch streden, dat Eten slechtmakt un mitünner ok dormit üm sik smeten. Un denn hebbt de Fruuns vun de Köök nich mehr mitspeelt: Se hebbt twee Daag blots dröge Käsbrot to Middag serveert. Dat hett henhaut. Likers harrn sik dor ok Öllern över beswert, een harr sogar vun en Knasteten spraken, wat de Schölers nich totomoden weer. Man as dat denn wedder de gewohnte Kost geev, hebbt sik de Schölers better benahmen, se weren nich mehr so luut, se hebbt nich mehr meckert un erst recht nich dormit smeten. Gerd Thiessen |