Herzlich Willkommen!

Adjüüs seggen

De Sand weiht mi in mien Ogen, hebb ik seggt,

as de Tranen mi over`t Gesicht lopen.

Dat is blot`s de Harvstwind, de so bannig weiht,

hebb ik seggt, un ik wisch se of, de Tranen de jümmers

daar lopen un nich uphollen wullen.

De Saltwind weiht düchtig van`t Meer her un de Möwen

schrien al wedder. In`t Stormgebruus fiert de Sömmer

Ofscheed, de Harvst kummt .

Man för mi kummt al de Winter, wiel dat du ofgeihst.

Ursula Gressmann